Дали знаевте дека џинот е најздравиот алкохолен пијалок?
Затоа е сосема во ред од време на време да се почестиме со нашата омилена комбинација на вкусови.
Викендот е совршена прилика за тоа, па во продолжение ви пренесуваме еден сосема поинаков рецепт кој би можел да ги воодушеви и најпребирливите непца.
Џин е неутрален пијалок кој одлично оди во различни комбинации. Тоник е омилен додаток на џин на многу луѓе, а комбинацијата од чоколаден ликер и сладолед би можела да стане најновото омилено нешто.
Пронајдете го рецептот за коктел од сладолед со џин подолу.
Состојки:
* 35 мл џин
* 50 мл чоколаден ликер
* 100 мл чоколаден сладолед
* 100 мл сладолед од ванила
* Рендано чоколадо по желба
* Неколку коцки мраз
Подготовка:
Џинот и ликерот од чоколадо добро измешајте ги. Можете да додадете или одземете количина, во зависност од тоа колку јак сакате да биде коктелот.
Додадете чоколаден сладолед во џинот и чоколаден ликер и сè добро измешајте во блендер.
На дното на чашата ставете сладолед од ванила, а потоа нежно прелијте го со густа смеса од џин, чоколаден сладолед и чоколаден ликер.
На крајот додадете неколку коцки мраз и декорирајте по желба.
Уживајте во вкусниот десерт кој ќе ги разубави летните вечери и ќе ги воодушеви пријателите.
На здравје!