Салата од компир е како празно платно за сликање, толерира речиси сè што ќе ставите во неа, а вкусовите навистина можат да бидат многу различни.
Денеска пробајте го нашиот рецепт за убава компир салата со јајца:
Состојки:
* 1 кг компири
* 5 тврдо варени јајца
* 4 кисели краставички
* неколку ротквици
* 2 средни моркови
* 100 гр мајонез
* 200 мл павлака или јогурт
* сол, бибер
* 1 лажичка сенф
* сечкан свеж магдонос за посипување
Подготовка:
Излупете ги компирите, исчистете ги и сварете ги во поголемо тенџере. Гответе додека не омекне, но не премногу меко.
Додека се варат компирите, сварете ги тврдо варените јајца. Кога ќе бидат готови, излупете ги и оставете ги на страна да се изладат.
Морковот изрендајте го, ротквиците исечкајте ги на кришки, а киселите краставички исечкајте ги на ситни коцки.
Исечете ги и компирите и јајцата на коцки кога ќе се изладат. Измешајте сè во сад, па зачинете со мајонез, павлака, сенф и сол и бибер.
Салатата кратко изладете ја во фрижидер и посипете ја со магдонос пред да ја послужите.
На здравје!