СТАНДАРД life
Храна

Три чекори до најздравиот оброк во светот: Наједноставниот рецепт за медитеранска исхрана

Ручекот може да биде вистинска тортура доколку бара часови и часови готвење, а да не зборуваме за идејата, купувањето и подготовката. Но, може да биде и песна ако се подготви во само неколку чекори.

Светската здравствена организација ја прогласи медитеранската диета за најздрав вид на исхрана во светот и ја препорачува на сите кои сакаат да живеат здрав живот.

Нутриционистката Џесика Бол подготви за Yahoo цела серија рецепти од медитеранската кујна кои се подготвуваат во само неколку чекори.

Ова е рецепт од многуте рецепти за едноставно јадење направено од здрави состојки кои можете да го послужите како ручек или како прилог.

Ќе забележите дека рецептот е преполн со многу хранливи состојки како лиснат зеленчук, морска храна, мешунки, цели зрна и здрави масла.

Лосос со ориз

Состојки:

100 гр лосос

1 лажичка масло од авокадо

Малку сол

1 шолја ориз

1 чаша вода

2 лажички мајонез

1 лажичка слатко оризово вино

Половина лажичка рендан ѓумбир

Половина лажичка пиперка

Половина зрело авокадо исечено на коцки

Половина свежа краставица исечкана на коцки

Подготовка:

1. Загрејте ја рерната на 200°C. Парчињата лосос ставете ги во тавче покриено со хартија за печење, попрскајте ги со масло и сол. Печете од осум до 10 минути.

2. Сварете го оризот според упатството на пакувањето. Потоа измешајте го со мајонез, а во посебен сад измешајте вино од ориз, ѓумбир, бибер и сол.

3. Поделете го оризот во два сада. Најпрво ставете го лососот одозгора, а потоа авокадото и краставицата, а потоа сè покријте со подготвениот прелив.

Поврзани вести

Киш со праз: Вкусно зимско јадење

Urednik

Печено пилешко на селски начин

Radmila Tasevska

Рецепт за француски тост

Radmila Tasevska