Аеродромот во Приштина стана втор најфреквентен во земјите од поранешна Југославија во 2020 година, престигнувајќи ги Загреб, Сплит и Дубровник.
Во периодот јануари-ноември, тој опслужи 974.212 патници, што е пад од околу 58% во споредба со претходната година, што е далеку под европскиот просек. Самиот аеродром во Приштина беше затворен повеќе од три месеци поради пандемија на коронавирус. Во првата недела од декември, тој имал 16.899 патници, додека само помеѓу 19 и 23 декември опслужил 23.000 патници. Генерално, бројот на летачки операции се намали за околу 50%. Поради новиот вид коронавирус пронајден во Велика Британија, летовите од Лондон се прекинати.
Дијаспората е двигател на помалиот пад на патници на приштинскиот аеродром во споредба со другите во Европа.
– Нашиот сообраќај главно се потпира на дијаспората, која живее и работи во странство, што значи дека повеќето од нив имаат државјанство и / или дозвола за престој на земјите во кои живеат. Од горенаведените причини, нашите патници не биле толку погодени од ограничувањата на документите, додека нивната желба да дојдат и да ги посетат семејствата во Косово продолжува и покрај пандемијата. Тоа е една од главните причини зошто бројот на патници опадна помалку од другите регионални аеродроми, особено во последните два до три месеци, изјави главниот оперативен директор на аеродромот во Приштина, Гокмен Аритај, за „EX-YU Aviation News“.
Аеродромот во Приштина е во фаза на проширување на својата писта од 2.500 на 3.000 метри, додека неговиот систем за слетување (ИЛС) ќе биде надграден од категорија II во категорија IIIб, дозволувајќи им на авионите да слетаат во неповолни временски услови.