СТАНДАРД life
КОМПАНИИ

Амазон под лупа во Германија за можно нарушување на пазарната конкуренција

Германскиот регулатор за заштита на пазарната конкуренција започна истрага за да утврди дали американскиот дигитален гигант „Амазон“ ја злоупотребил својата доминантна позиција на интернет-пазарот за да диктира услови за конкуренција, пренесоа британските медиуми

Германската федерална канцеларија за картели соопшти во вторникот дека ќе испита дали компанијата е „во позиција на скоро неприкосновена економска моќ“.

Новите германски закони им дозволуваат на регулаторите да ги забранат деловните практики што не се во согласност со законот за конкуренција во претходна фаза.

Портпаролот на Амазон за Би-Би-Си изјави дека не сака да коментира за постапката и дека целосно соработува во истрагата на регулаторот.

Федералната канцеларија за картели веќе го истражува механизмот за контрола на цените на Амазон и односите со дилерите на платформата.

„Ние се занимававме со Амазон неколку пати во текот на изминатите неколку години и исто така обезбедивме далекусежни подобрувања на трговците на мало на пазарот на Амазон“, рече директорот на канцеларијата Андреас Мундт.

„Во конкретниот случај, ние првенствено истражуваме дали Амазон е клучен за конкуренцијата на повеќе пазари. Особено е карактеристично за ваквите примери – екосистем што се протега на повеќе пазари“, објасни Мундт.

„Ова може да се однесува на „Амазон“, со оглед на неговите онлајн пазари и многу други, главно дигитални понуди“, додаде шефот на германската регулаторност.

Најновата истрага е само втора во која Сојузната канцеларија за картели ги искористи своите нови овластувања, забележува Би-Би-Си.

Првиот случај беше истрага против Фејсбук, покрената за како што рекоа, злоупотреба на правилата за конкуренција во случајот со слушалките Oculus Quest 2, што може да работи само со профил на Фејсбук, што критичарите и љубителите на виртуелната реалност го критикуваа.

Поврзани вести

Октомври, месецот на штедење идеален да почнете да размислувате за посигурни пензионерски денови

msp-admin

Лидерот на Самсунг се враќа во затвор

Влатко Зорба

Кој е Енди Џеси – новата „ајкула“ на Амазон?

Влатко Зорба