Амазон нарача стотици камиони кои работат на природен гас, сакајќи да се одалечат од тешките загадувачи, пренесe Ројтерс.
Пандемијата на коронавирусот доведе до експанзија на купувањето преку Интернет, а со тоа и до доставата до дома. Бројот на камиони што се користат за овие цели е многу поголем отколку во 2019 година, пред пандемијата, додека сообраќајот на патнички автомобили опадна, пренесува Seebiz.
Зголемената активност на патиштата доведе до повисок степен на загадување. Транспортните компании ја градат својата мрежа на електрични возила за да ги намалат емисиите на јаглерод диоксид.
„Амазон е возбудена што воведува нови одржливи решенија за товар и работиме на тестирање на голем број нови типови возила, вклучително и електрични“, се вели во соопштението на компанијата.
Амазон порача повеќе од 700 возила со компресиран природен гас од класа 6 и од класа 8.
Природниот гас емитува приближно 27 проценти помалку јаглерод диоксид од дизелот, додека електричните мотори се сметаат за помалку одржливи за тешките камиони отколку за просечните патнички возила.