СТАНДАРД life
КОМПАНИИ

Grawe станува мнозински акционер во Еуролинк осигурување

Австрискaта компанија Grazer Wechselseitige Versicherung Aktiengesellschaft AG (Grawe) од Грац, доби согласност да купи 75% од капиталот на Еуролинк осигурување, информираат од Агенцијата за супервизија на осигурувањето (АСО).

“Советот на експерти на Агенцијата за супервизија на осигурување на последната седница одржана на 27 февруари, постапувајќи по барањето на Grazer Wechselseitige Versicherung Aktiengesellschaft AG од Грац, Република Австрија за добивање согласност за стекнување на квалификувано учество во Акционерско друштвото за осигурување ЕУРОЛИНК Скопје, донесе Решение за издавање согласност за стекнување на квалификувано учество во друштво за осигурување“, стои во соопштението на АСО.

Според оваа Решение, коешто влегува во сила во денот на донесување, на Grazer Wechselseitige Versicherung Aktiengesellschaft AG со седиште на ул. Herrengаsse бр.18-20, 8010 Грац, Република Австрија ѝ се дава согласност да стекне акции, коишто претставуваат вкупен кумулативен износ којшто надминува 75% од вкупно издадените акции со право на глас во Акционерското друштвото за осигурување Еуролинк Скопје.

Grazer Wechselseitige Versicherung Aktiengesellschaft AG треба да ја изврши трансакцијата за стекнување на акциите во рок од 60 дена од денот на добивање на ова решение и за тоа да ја извести Агенцијата за супервизија на осигурување во рок од пет работни дена од денот на стекнувањето на акциите, стои во информацијата до јавноста од страна на АСО.

Поврзани вести

Италијанците се плашат од странски инвеститори: Може да го искористат колапсот и да ги преземат домашните компании

msp-admin

МФ: Ќе има повеќе даночни поволности и финансиска поддршка за бизнис-секторот

msp-admin

Битиќи: Владата ќе го најде најдоброто решение за етничкото вработување

msp-admin