Стандард
КОМПАНИИ

И Волво ги затвори фабриките во Европа и САД

По Порше, Фолксваген и Волво ги затвори фабриките поради коронавирусот.

Шведскиот производител на автомобили Волво објави денеска дека привремено го прекинува производството во своите европски и американски погони за да го ублажи влијанието на пандемијата на коронавирус.

Затворањето на фабриките ќе влијае на околу 25.000 вработени во Шведска, 6.500 во Белгија и 1.500 во САД.

– Нашата главна грижа е здравјето на нашите вработени и иднината на нашиот бизнис, рече главниот извршен директор Хакан Самјуелсон.

Производството во белгиската фабрика Гент затворено во вторникот, а три ограноци во Шведска, како и фабрика во Јужна Каролина во САД, ќе се затворат на 26 март. Административниот персонал генерално ќе работи од дома од 26 март со скратено работно време.

Компанијата соопшти дека ќе го продолжи производството во Белгија на 5 април, а во други погони на 14 април.

Претходно овој месец, Волво ги отвори своите четири кинески фабрики, кои не работеа долго време заради епидемијата на Ковид-19 во континентална Кина.

Пред Волво, Порше и Фолксваген се одлучија на овој чекор.

Поврзани вести

Бил Гејтс ја откри својата најголема грешка која го чинеше 400 милијарди долари

msp-admin

Бензините поевтини за денар ипол, дизелот за половина денар

msp-admin

Автомобилски гигант ги спасува амбициите на Faraday Future?

msp-admin
error: Превземањето на содржина без дозвола од авторот е дело казниво со закон!!!