Основачот и сопственик на модната марка Zara, Амансио Ортега, откако се збогати со облека, го сврте вниманието кон недвижнините. Сепак, една од неговите инвестиции, која нема врска со недвижнини, ја удвои по само три години.
Во 2018 година, инвестициската компанија „Pontegedea“ на Ортега купи 9,99 проценти од акциите на шпанскиот телефонски оператор, чија вкупна вредност тогаш беше проценета на 3,9 милијарди евра.
Компанијата „American Tower“ ќе даде 70% удел во оваа шпанска компанија за 7,7 милијарди евра, со што инвестицијата на Ортега е за повеќе од двојно зголемена.
Ортега има 84 години и не му е чудно да вложува пари во разни проекти во различни гранки на економијата. Од кога Zara излезе на берза, Ортега заработи повеќе од 9 милијарди долари дивиденда, според податоците на „Блумберг“.
Само минатата година, компанијата на шпанскиот милијардер за прв пат откри дека неговите средства се искачиле на 15,2 милијарди евра, што му го донесе најголемото портфолио на недвижнини меѓу супер богатите во Европа.
Минатата година Ортега (84) инвестираше 2,1 милијарди евра во недвижен имот преку разни филијали на неговата холдинг компанија „Pontegedea“.
„Pontegedea“, која е сопственик на 59,3% од матичната компанија на Zara, Inditex, оствари нето приход од 1,8 милијарди евра за 2019 година, вклучително и 1,64 милијарди евра како дивиденда на Inditex и 621 милион евра како имот.
Ортега го диверзифицираше своето модно богатство за да ги зачува вкупните средства, инвестирајќи повеќе од три милијарди долари во американски недвижнини во последните неколку години.
Тој поседува атрактивни имоти во Менхетен и Мајами. Минатата година, неговата инвестициска компанија договори работа вредна 72,5 милиони долари за изградба на хотел во центарот на Чикаго. Тоа се случи откако купи зграда во една од централните деловни зони во Вашингтон и две деловни згради во Сиетл, а поседува и луксузни канцеларии во центарот на Лондон.
Во текот на 2019 година, Ортега купи удел во гасоводот Engas, а оваа инвестиција во телеком беше привлечна од фактот дека заработката од ваквите инвестиции е помалку загарантирана.
Покрај тоа што е изнајмувач на технолошки гиганти како Amazon и Facebook, „Pontegedea“ размислува и да дава закуп на зградата на ривалите.
Неговото богатство сега се проценува на 66,5 милијарди долари. За време на пандемијата на коронавирус, тоа се намали, бидејќи беше принуден да затвори повеќе од 1.000 продавници низ целиот свет, што доведе до големи загуби.