Стандард
КОМПАНИИ

Секој седми нов автомобил ќе биде електричен во 2024 година

Околу 2,4 милиони електрични возила се продадени ширум светот во последната година, но до 2024 година нивниот број би можел да се зголеми повеќе од пет пати, достигнувајќи 13,2 милиони, според прогнозата на јужнокорејскиот концерн LG Chem.

Во позадина на вкупниот број продадени автомобили во 2024 година, електричните модели ќе учествуваат со околу 15% од пазарот, забележува „Ројтерс“. Всушност, секој седми автомобил што ќе се продава по пет години ќе се напојува со електричен мотор.

Се разбира, останува многу да се направи за промовирање на електричните возила. Производителите треба да им понудат на клиентите поприфатливи модели.

Важен фактор што го ограничува намалувањето на трошоците на современите електрични возила се батериите – на нив се паѓа една третина од вкупната цена за производство на електричните возила.

Но, LG Chem гледа причини за оптимизам во овој поглед. Ако во 2015 година цената на ќелиите за батерии за складирање на киловат час беше 200 долари, тогаш за десет години ќе падне на 100 долари.

Претставниците на јужнокорејскиот гигант дури веруваат дека до 2025 година, глобалниот бизнис за производство на батерии ќе го надмине целиот пазар на полупроводници.

Не само строгите еколошки стандарди ќе придонесат за популарноста на електричните возила – услугите за изнајмување автомобили и автономните такси-возила се исто така важни фактори.

Поврзани вести

Square стекна мнозински удел во компанија на Џеј Зи

Влатко Зорба

Стопанска комора: Недостасуваат работници кои што ќе работат во ресторани и хотели

BlackBerry повторно се враќа на пазарот

msp-admin