СТАНДАРД life
КОМПАНИИ

Сега секој може да стане сопственик на банкомат

Со иновацијата на хрватската компанија „Monestiq“, која ја создаде првата лиценцна франшиза за банкомати во Европа, сега сите ќе можат да станат сопственици на банкомати.

Како што објаснуваат во компанијата, активноста што претходно беше резервирана само за банки и финансиски институции, благодарение на нивното решение, сега е отворена за сите: од угостители и сопственици на деловни активности до претприемачи заинтересирани за посилно вклучување во овој домен на финансиски бизнис, пишува „Пословни дневник“.

Цената на самиот банкомат е помеѓу 8.000 и 15.000 евра, а ситуацијата на пазарот каде сопствениците на атрактивни простори, претежно во туристички центри, би можеле да го изнајмат својот објект за банкомат и цената од 1.000 евра месечно покажува дека е профитабилен бизнис.

Иван Душевиќ, директор на „Monestiq“, посочува дека ова е финансиско-технолошко решение што ги комбинира сите потребни протоколи и права за обработка на трансакции и ги поврзува банкоматите со глобалните шеми на картички.

„Ова им овозможува на банкоматите да го прават она што го прават: прифаќаат картички и исплаќаат пари. Во исто време, им овозможува на претприемачите лесно да станат сопственици на еден или повеќе банкомати и да се приклучат на ексклузивна компанија на даватели на услуги во финансиската индустрија“, вели Душевиќ , кој ја изгради својата кариера во меѓународни консултантски компании и сега реши да го искористи своето знаење за трансформација на финансискиот сектор во Хрватска.

Тој додаде дека оваа година „Monestiq“ ќе започне со хрватскиот пазар, по што компанијата планира да се прошири во Европа. Бидејќи слична можност не постои на Стариот континент, компанијата соопшти дека тие веќе имаат барање за правата на франшизата од Унгарија и Германија.

Нивната крајна цел, како што и самите посочуваат, е да се изгради најголемиот ланец на франшизи со банкомати во Европа.

Поврзани вести

Огромен пад на продажбата на Volkswagen во годината на пандемија

Влатко Зорба

Вредноста на компанијата скокна за 50 отсто, Џек Ма продаде акции и го намали уделот

msp-admin

Колку губи глобалната трговија од коронавирусот?

msp-admin