Стандард
КОМПАНИИ

Тесла привремено го прекинува производството во Калифорнија?

Тесла ги извести работниците дека привремено ќе прекине дел од производството во фабриката за монтажа на автомобили во Калифорнија, објави денес агенцијата Блумберг, повикувајќи се на неименуван извор запознат со ова прашање.

На работниците на производната линија „Модел 3“ во Фримонт им било кажано дека нивната линија нема да работи од 22 февруари до 7 март, пренесе Ројтерс.

Британската агенција забележува дека информациите не ги објаснуваат причините за прекин на производството и дека не било можно веднаш да се добие коментар од Тесла.

Исто така, не е јасно колкав обем или приход ќе изгуби Тесла поради исклучувањето на фабриката во Фримонт, која има годишен производствен капацитет од 500.000 парчиња Модел 3 и Модел Y заедно.

Тесла минатиот месец рече дека може да се соочи со привремено негативно влијание врз производството поради глобалниот недостиг на полупроводници.

Неколку производители на автомобили, вклучувајќи ги „Генерал моторс“, „Фолксваген“ и „Форд мотор“, исто така беа погодени од недостаток на чипови, принудувајќи ги да го намалат производството.

Поврзани вести

Одговорот на КОВИД-19 го зголеми глобалниот долг за 24 трилиони долари

Влатко Зорба

Новогодишниот карван на Еуроникел Индустри во посета на децата од здравствени и образовни установи во Кавадарци и Возарци

msp-admin

Албанија ја има најниската минимална плата во Европа

Влатко Зорба