СТАНДАРД life
КОМПАНИИ

Тесла со предлог за инвестиција во земјата со најголемите резерви на никел во светот

Индонезија потврди дека добила предлог за инвестиција од производителот на автомобили Тесла, пренесе Ројтерс.

Веќе некое време се шпекулира дека Тесла би можел да отвори фабрика во оваа земја.

„Го добив нивниот предлог утрово и ќе се состанеме со нив следната недела за да добиеме официјални појаснувања“, рече заменик-шефот за инвестиции и рударство, Септијан Харио Сето.

Индонезија сака да стане најголем производител на литиумски батерии затоа што ги има најголемите резерви на никел во светот.

Индонезиските власти претходно изјавија дека постои „навистина добра шанса“ компаниите да сакаат да инвестираат во преработка на индонезиски никел за да ги намалат трошоците.

Првиот човек на Тесла, Елон Маск неодамна изјави дека планира да понуди „џиновски договор на подолг временски период“ се додека никелот се ископува „ефикасно и на еколошки чувствителен начин“.

Индонезија сака да развие целосен синџир на снабдување со никел дома, особено за вадење хемикалии од батерии, правење батерии и конечно изградба на електрични возила.

Поврзани вести

На повеќе од 500.000 луѓе им се заканува отказ во Романија, кризата допрва ќе се почувствува во 2021 година

msp-admin

Слободно движење на работниците во „мини Шенген“ до крајот на годината

Влатко Зорба

Казна од 282.000 долари за Фејсбук во Турција

msp-admin