Куба соопшти дека ќе им овозможи да се отвора голем број приватни компании во акција, за која се верува дека ќе направи голема економска реформа.
Министерката за труд Марта Елена Феито изјави дека списокот на одобрени компании се зголемил од 127 на повеќе од 2.000, објави Би-Би-Си.
Само мал дел од компаниите ќе останат во државна сопственост. Кубанската економија е сериозно погодена од пандемијата Ковид-19 и санкциите од САД.
Минатата година БДП падна за 11%, што е најлош пад во претходните три децении, а населението почна да ги чувствува недостатоците во основните прехранбени производи, објави Би-Би-Си.
Министерката Феито рече дека 124 претпријатија ќе бидат исклучени од приватниот сектор, иако не кажа која од нив.
Покрај стотиците илјади мали фарми, приватниот сектор во Куба досега се состоеше од мали занаетчиски компании, таксисти и трговци, а околу 600.000 луѓе, или 13 проценти од работната сила, се приклучија на приватниот сектор кога се укажа можност.