Стандард
КОМПАНИИ

Започна работата на Суецкиот канал: Наскоро пловење во двата правци

Управата на каналот Суец (СЦА) вчера започна со работа за продолжување на вториот воден пат, што ќе овозможи навигација во двата правци во јужниот дел на каналот, во близина на местото каде големиот брод „Евер гивен“ се заглави шест дена во март.

СЦА оваа недела објави дека планира да го продолжи вториот воден пат, отворен во 2015 година, за 10 километри и да го направи долг 82 километри. Потоа, во јужниот дел на каналот, каде што има само една патека, тој ќе го прошири и продлабочи тој воден пат, објави Ројтерс.

Работата започна по директивата на египетскиот претседател Абдел Фатах ал-Сиси да „започне со спроведување на предложениот план за развој веднаш и да се одреди краен рок за завршување што е можно поскоро“, додаде СЦА.

Заглавувањето на товарниот брод „Евер гивен“, долг 440 метри, во периодот помеѓу 23 и 29 март, го запре минувањето на стотици бродови низ каналот, што предизвика огромна штета во финансиската трговија.

„Евер гивен“, натоварен со илјадници контејнери, сè уште стои во Големото горко езеро, помеѓу двата дела на каналот, бидејќи СЦА бара обештетување од сопственикот на бродот, компанијата „Шој Кисен“ од Јапонија.

Египетскиот суд одреди задржување на бродот додека не се реши спорот.

Поврзани вести

Економските односи меѓу ЕУ и Русија не се за коцкање, иако размената е пониска за 200 милијарди долари

Влатко Зорба

Закерберг: Промените што ги воведува Apple ќе нѐ направат посилни

Влатко Зорба

Заработката на големите нафтени компании оди на отплата на долгови

Влатко Зорба