СТАНДАРД life
КРИПТОВАЛУТИ

Затвор за Американец кој присвоил 20 милиони долари преку ICO

Човек од Сан Франциско се наоѓа во затвор откако американскиот суд го осуди за измама со криптовалути од повеќе милиони, соопшти американското Министерство за правда (МП) во вторникот.

Џери Џи Гуо (33) доби шестмесечна казна од американскиот окружен судија Бет Лабсон Фримен. Таа исто така му наложи да плати скоро 4,4 милиони долари како обесштетување откако се изјасни за виновен за измама со првична понуда на монети (ICO)

За време на екот на лудоста на ICO во 2018 година, Гуо им се претставувал на клиентите како ICO консултант, нудејќи им услуги за маркетинг и консултантски услуги во име на крипто стартапи.

Наместо да ги исполнува своите обврски, како што ветувал, Гуо ги присвојувал парите и крипто-валутите на своите клиенти. Тој е обвинет од федералното жири за престапот во ноември 2018 година.

Во август 2019 година, човекот од Сан Франциско се изјасни за виновен за сторено поштенска измама. Против него беа покренати седум дополнителни обвиненија, но тие беа отфрлени.

Гуо потенцијално може да се соочи со казна затвор од 20 години ако биде осуден по сите обвиненија, објави „Дејли бист“.

Во 2019 година, американската влада доби наредби за конфискација на средствата на клиентите на Гуо. Според последната наредба за конфискација и со помош на Гуо, американската влада сега е во можност да го поврати украдениот имот на жртвите.

Сегашната вредност на украдените пари и криптовалутите се проценува на над 20 милиони долари, според МП.

„Овој случај покажува дека можеме да користиме конфискација за да ги обештетиме жртвите на измама, дури и кога крипто-валутите се користат за измама“, рече американскиот адвокат Дејвид Андерсон.

Судијата Фримен, исто така, му нареди на Гуо да издржи тригодишен период на надзор од страна на властите по неговото ослободување од затвор.

Поврзани вести

Во Велика Британија почнуваат консултациите за регулирање на крипто-средствата

Влатко Зорба

SEC може да покрене истрага за Маск за купувањето на Биткоин

Влатко Зорба

Биткоинот ја надмина пазарната капитализација на руската рубља

Влатко Зорба