Лејди Гага беше принудена да го прекине концертот во Сиднеј во саботата, откако еден од нејзините танчари се лизна и падна од сцената поради силниот дожд.
– Застанете! Застанете! Штотуку имавме несреќа на сцената – извикала пејачката додека танчарот паѓал и се лизгал од сцената.
Lady Gaga had to interrupt the last show in Sydney because her dancer Michael slipped and fell off the stage due to the rain. She is currently taking a short break to allow her dance crew to find shoes with better grip. The show should resume soon. pic.twitter.com/HWpUlYDMDf
— LⱯDY GⱯGⱯ NOW🪞 (@ladygaganownet) December 13, 2025
Инаку, танчарот што паднал од сцената е Мајкл Дамески – австралиски танчар со потекло од Македонија. Роден е во Сиднеј, а неговите родители потекнуваат од Прилеп.
Тој е извонреден во својата работа, а уште од шестгодишна возраст ја започнал танцувачката кариера, кога се пријавил во австралиско шоу за танцување.
Во 2018 година тој ја воодушеви латино дивата Џенифер Лопез со својот танц на „Свет на танцот“ (World of Dance), каде освои второ место, а таа за него упати многу пофални зборови.
Уште тогаш му предвидуваа блескава кариера, а сега во светот на танцот се зборува наголемо за него.
Во февруари 2025 тој ја доби главната машка улога во спотот на Лејди Гага за песната „Abracadabra“ и притоа воодушевено напиша: „Кога сонот ќе стане реалност“.
View this post on Instagram
Во текот на подготовките на спотот, Лејди Гага објави видео од зад сцената како танцува со Дамески и напиша:
„Зад сцените на АBRACADABRА со прекрасниот Мајкл Дамески. Вежбав со недели за ова видео. Очекувајте уште…“
View this post on Instagram