СТАНДАРД life
МК Сцена

Никола Џуричко повторно доаѓа во Скопје

По минатогодишниот фантстичен станд-ап настап на сцената на македонската филхармонија, еден од најдобрите балкански актери со холивудска кариера, Никола Џуричко повторно гостува во Скопје.

Човекот кој на големото платно одигра фантастични ликови во легендарни филмски остварувања како „До коска”(Do koske), „Молњи”(Munje), „Кога ќе пораснам ќе бидам Кенгур”(Kad porastem bicu Kengur), „Зона Замфирова” и секако ликот на Јури во мега-популарната продукција на Нетфликс, „Stranger things”, овој пат ни гостува со неговиот бенд ЏОНИ МИДНАЈТ ТРИО.

ЏОНИ МИДНАЈТ ТРИО е остварување на детскиот сон на Џуричко.

Бендот е основан во едно студио во Лос Анџелес во 2021 година.

Триото го сочинуваат Никола (ЏОНИ) Џуричко – гитара и вокал, Александар (МЕКСИКО) Пантиќ – бас и Срѓан Миленковиќ – тапани.

Од опуштено џемување во студио во пандемските времиња во 2020-та, преку пријателска музичка размена, до идеја за формирање на бенд и објава на нивниот деби албум насловен „По сеќавање”.

Албумот се состои од авторски песни, но и преработки кои триото ги сними кон крајот на 2022 година во студио во ЛА. Брас секцијата пак е снимена во белградско студио, а потоа целиот материјал е пратен на финален микс кај познатиот продуцент Michael Patterson во ЛА.

Ова е прва турнеја на бендот. На настапот на ЏОНИ МИДНАЈТ ТРИО во Скопје ќе можете да ги слушнете нивните авторски дела, но и нивна верзија на топонимите на југословенскиот рокенрол:

ЕКВ, Дадо Топиќ, Слаџана Милошевиќ, КУД Идијоти, Азра, Шарло Акробата….

Авторските песни се создадени токму под влијание на овие рокенрол класици, односно во периодот кога „младиот” Џуричко се обидел да создава музика, за 30-тина години подоцна, по сеќавање, без нотен запис, да ги рекреира, сними и издаде на носач на звук.

Поврзани вести

Весна Бејби: Децата не знаат да разликуваат кој театар е МНТ, Комедија и Драмски, тоа е пораз на сите нас

Urednik

„SALVATORE “ – РЕСТОРАН ШТО ГИ ОТСЛИКУВА ИТАЛИЈАНСКАТА ПРЕФИНЕТОСТ И КУЛТУРА – ОТВОРЕН НОВ ИТАЛИЈАНСКИ РЕСТОРАН ВО СКОПЈЕ

Urednik

Интервју со Ивона Јо: Не планирам никаде да одам додека не ја извадам од мене музиката што ја носам

Urednik