Џенифер Лопез денес е среќно мажена за Бен Афлек, актерот кој и го освои срцето во 2002 година. Врската се разви многу брзо, а парот се вери по неколку месеци. Сепак, веридбата беше прекината, на што Лопез се присети во најновата најава за новиот албум.
Тизерот покажува како пејачката пали рачно напишана белешка од 24 декември 2002 година, набргу по првата свршувачка на популарната двојка.
„Животот е тежок, но ти си слатка. Фала за подарокот. Се надевам дека ти се допаѓаат цвеќињата. Ми кажа дека никогаш не можеш да имаш доволно. Ти верувам“, пишува во писмото потпишано од Б.
Со снимката од драматичното палење на писмото, Лопез вели: „Кога бев мала, кога ме прашуваа што сакам да бидам – одговорот беше секогаш вљубена“. На објавата има и колибри, за која рече дека е една од нејзините омилени птици од минатото, а во 2022 година дури и ја украсила својата елка со украси од колибри.
„Ова музичко искуство е манифестација, преку музика, филм и реалност, на животното патување во потрага по вистината за љубовта“, објасни Лопез.
Пејачката и актерка со новиот албум сака повторно да и се претстави на публиката и да и ја покаже вистинската вистина за потрагата по љубовта.
„Ова сум јас … сега“ е продолжение на „Ова сум јас … Тогаш“, албумот од 2003 година инспириран и посветен на Афлек. Двојката ја раскина свршувачката една година по објавувањето на албумот, но се обединија речиси две децении подоцна и се венчаа во 2022 година.
„This is Me…Now“ е деветти студиски албум на популарната пејачка која нема издадено албум од 2014 година.