Светскиот топ модел Бела Хадид повторно е соло. Бела Хадид и нејзиниот партнер Адан Бануелос раскинаа по две години.
Извор за „Ентертејмент тудеј“ вели дека Хадид се обидува да остане позитивна и да не се задржува на раскинувањето. „Таа беше зафатена со работа и поминуваше време со своите најблиски пријатели. Сè уште се опоравува бидејќи тоа беше сериозна врска“, додаде тој.
Двојката почна да се забавува во октомври 2023 година. Во декември минатата година, Хадид и Бануелос се појавија заедно на настан во Далас за да го промовираат нејзиниот бренд за парфеми „Орабела“.
Минатиот октомври, Бануелос ја одбележа нивната годишнина и нејзиниот роденден на Инстаграм со серија заеднички фотографии. „Октомври стана посебен месец… Те сакам, душо. Ќе продолжам да те потсетувам секој ден колку…“, напиша тој во тоа време.
Во интервју за британскиот „Вог“ во мај 2025 година, Хадид изјави дека го запознала Бануелос откако се преселила во Тексас, каде што нејзината мајка Јоланда и очувот граделе куќа. Таа рече дека нејзината борба со хронични болести и проблеми со самоприфаќањето ја натерале да се пресели.
„Бев со мојот очув на ранчот“, се присети таа. „Јавевме коњи и почнав да се чувствувам малку подобро, но сè уште се мачев со моите работи. А потоа, следниот ден, го запознав моето момче.“ Таа, исто така, откри дека Бануелос дури и не знаел која е таа кога се запознале. „Немав поим која си сè додека не те видов за прв пат“, ѝ рекол тој, што Хадид го опиша како „вистинско уживање“.
Минатата година, Бануелос споделија фотографии од нив како ја слават својата годишнина и роденденот на Бела. На фотографиите, двојката покажа посебна блискост, со бакнежи и држење за раце.
„Октомври стана посебен месец. Тоа е месецот во кој Бог те испрати, покрај целиот хаос и грдотија, ни даде нешто чисто и убаво. Те сакам бебе. Ќе те потсетувам секој ден колку многу“, рече тој.
Бела во моментот ја промовира својата нова улога во филмот „The Beauty“ на Рајан Марфи, во кој глуми заедно со Ештон Качер, Ентони Рамос и Џереми Поуп.
На премиерата во Њујорк, таа изјави за „Пипл“ дека нејзините колешки ѝ дале неколку важни совети: „Ми рекоа дека е во ред да се биде малку луд и чуден – и тоа е добра работа. И дека некои ситуации ќе бидат незгодни, но на крајот на денот, тоа не е драма.“ „Сите можеме да бидеме различни верзии од себе, и тоа беше најважното нешто за мене на ова снимање“, додаде таа.