Иако Бредли Купер и Џиџи Хадид се обидуваат да се сокријат од љубопитните погледи на јавноста, не им помага фактот дека станува збор за „свежа врска“ меѓу еден од најатрактивните актери и една од најуспешните манекенки. Според Page Six, парот бил забележан на шоу надвор од Бродвеј.
Веќе е познато дека Џиџи е маѓепсана од Купер и дека сака да се проба во актерството, а овој состанок ја донесе нивната страст за глума заедно. Тие уживаа во гледањето на „Danny and the Deep Blue Sea“, нова претстава во која глумат Обри Плаза и Крис Абот.
Иако се уште не сме ја запознале Џиџи како љубител на театарската сцена, се чини дека Купер полека ја воведува во својот свет. Имено, тој е голем љубител на театарот и често слободното време го поминува гледајќи претстави.
„Бредли секогаш оди во театар. Како што знаете од неговиот филм за Леонард Бернштајн, тој е голем обожавател“, открил изворот.
„Бредли е возбуден што ќе ја запознае Џиџи. Одамна ја немаше почувствувано оваа возбуда за жена. Тие одат бавно, но тој е многу заљубен во неа. Таа е токму негов тип“, коментираше претходно извор близок до познатиот актер, потврдувајќи дека Купер е подготвен за сериозна љубовна врска.
Актерот и манекенката се познаваат долго време, но дури на почетокот на есента меѓу нив се роди симпатија.