Американската актерка Анџелина Џоли зборуваше за време на гостувањето на Филмскиот фестивал во Сан Себастијан во Шпанија за политичката ситуација во Соединетите Американски Држави, за која е многу загрижена.
Таа рече дека сè што го дели или ограничува изразувањето на личното мислење или слободата е многу опасно. Таа верува дека ова се многу тешки времиња за САД.
„Не ја познавам мојата земја во моментов. Отсекогаш сум живеела „меѓународно“. Моето семејство е меѓународно. Мојот живот, мојот поглед на светот, е ист. Мислам дека ова се толку тешки времиња што мора да бидеме внимателни и да не ги кажуваме работите лесно. Затоа ќе бидам внимателна на прес-конференцијата… Ова се многу, многу тешки времиња“, рече таа.
Иако оваа актерка отсекогаш била отворена за своите политички ставови, оваа нејзина изјава беше причина за бројни реакции на социјалните мрежи.
„Драго ми е што таа не е дел од оваа земја бидејќи живее далеку од неа“, „Никој што е интелигентен не го интересира што мисли таа. Таа ја покажа својата вистинска страна“, „Нема ништо спорно во оваа изјава“, „Апсолутно е точно“, се некои од нив.