Реакциите за мемоарите на Бритни Спирс „The Woman in Me“ не стивнуваат, а Џастин Тимберлејк, нејзиното поранешно момче, изгледа мораше да направи голема промена на својот Инстаграм профил поради тоа.
Имено, пејачот ги исклучи коментарите под своите објави на Инстаграм откако поради сè што откри Бритни за нивната врска, под неговите фотографии се појавија остри критики на фановите на пејачот.
За потсетување, Бритни во новата книга презентираше досега непознати информации за нивната врска. Таа откри дека забременила за време на врската и дека имала абортус. Пејачката, која тогаш имала само 19 години, вели дека земала апчиња за абортус кои и ги дал Џастин.
„Важно беше никој да не дознае за бременоста или за абортусот, што значеше дека сè правев дома“, напиша таа и додаде дека болката што ја чувствувала во тој момент била неподнослива.