Хрватската пејачка Северина Вучковиќ редовно објавува на социјалните мрежи, па така и вчера објави фотографија на Инстаграм и на Фејсбук со која ги воодушеви своите обожаватели. Станува збор за фотографија од минатото, каде што позира во прекрасен златен корсет.
Во описот на фотографијата, популарната пејачка напишала:
– Фотографија од 2022 година што никогаш не беше објавена, но во 2026 година доаѓа совршено за најава на (утрешното) „Златно студио“.
View this post on Instagram
На фотографијата, Северина е облеана со златна боја од глава до пети, облечена во метален корсет кој ја следи линијата на телото и е врзан со златни врвки од страните, додека целокупниот изглед го заокружила со елегантна наметка.
„Златно студио“ е една од најзначајните медиумски награди во Хрватска, која се доделува од 2018 година.
Северина оваа година е номинирана во категоријата за најдобра пејачка. Таа веќе ја има освоено наградата „Златно студио“ во 2024 година, кога беше прогласена за најдобра изведувачка на годината. На тогашната церемонија пристигна во придружба на нејзината мајка Ана, на која ѝ ја посвети наградата.
Пејачката претходно беше добитничка и на „Златно студио“ за концерт на годината, за турнејата „Магична турнеја“.