Лејди Гага ги посвети своите победи на доделувањето на видео музичките награди на MTV за 2025 година на една посебна личност, нејзиниот свршеник Мајкл Полански.
Гага се огласи на Инстаграм за да сподели како ги прославува своите четири победи на доделувањето и напиша емотивна порака до својот вереник. Таа има вкупно 12 номинации за MTV.
„Создавањето на овој албум, правењето план, градењето на секоја визија со тебе водењето бескрајни разговори за тоа што би создале и направиле за чудовиштата, беше искуство што никогаш не можев да го замислам“, рече Гага.
Таа исто така рече дека ѝ се допаѓа колку нејзиниот свршеник ги сака своите обожаватели и сака тие да бидат среќни.
„Моето срце е исполнето со среќа што ги сакаш толку многу, затоа што ги сакаме заедно секој ден, грижа ти е колку и јас што луѓето се чувствуваат видени во светот. Засекогаш сум благодарна за тоа колку ме сакаш и се бориш за мене. Работиш толку напорно со мене од зори до самрак, секој ден живеејќи ја музиката, настапите и плановите со твојата пот и солзи“, напиша таа.
Гага понатаму изјави дека е најсреќната девојка на светот, како и дека бескрајно го сака својот партнер. Таа, исто така, коментираше за креативната соработка со нејзиниот партнер додека работеше на нејзиниот шести албум „Mayhem“.
„Да ја имам твојата креативна помош во нашата уметност, работа и љубов, е среќа каква што не сум познавала досега. Знам дека си човек со многу таленти, а твојот ум и добро срце се она што те прави голем. Видов дека нема ништо што не можеш да го направиш. Ти си мојот уметник на годината и љубовта на мојот живот. Ти благодарам што ги оствари сите наши соништа за Mayhem“, рече таа.
Емотивната објава на Гага дојде откако таа ја прифати наградата за жена изведувач на годината, која ја посвети на својот партнер.
По прифаќањето, таа напиша: „До мојот партнер во сè, Мајкл. Создавањето оваа година со тебе беше прекрасен сон. Ти беше мој партнер на секој чекор. Ти го посветувам ова на тебе, љубов моја.“
Таа рече дека Полански ја охрабрил да се врати на радостите на поп-музиката, што довело до нејзиниот последен албум. Нејзиниот вереник, исто така, напиша неколку песни за неа, вклучувајќи ги „Disease“ и „Vanish Into You“. Гага претходно откри дека нејзината свршувачка со Полански одиграла улога во пишувањето на песната „Blade of Grass“ од нејзиниот албум „Mayhem“.