Манекенката Кара Делевињ се отвори за своето патување до трезвеноста, велејќи дека секоја секунда од процесот на опоравување од алкохол „вредела“.
Во интервју за британското издание на магазинот „Ел“, супермоделот Кара изјави дека е по „стабилна“ и „помирна“ откако не консумира алкохол. Делевињ, исто така, минатата година се пријавила на рехабилитација поради проблеми со злоупотреба на супстанции, откако признала дека фотографиите на папараците од нејзиното чудно однесување служеле како „повик за будење“.
„Не беше лесно, но никогаш немаше момент кога си реков дека оваа рехабилитација не вреди за резултатите“, изјави таа за споменатиот магазин и додаде: „Вредеше секоја секунда. Стабилна сум, посмирена … “, додаде таа.
Манекенката признала и дека јавното препознавање на нејзините проблеми и симнало огромен товар од грбот.
„Долго време се чувствував како да кријам многу од луѓето кои гледаа кон мене. Конечно чувствувам дека можам да бидам целосно слободна“, додала таа.
Популарната 30-годишна девојка во април зборуваше за Vogue за нејзините проблеми со злоупотреба на супстанции и нејзиното ново патување до трезвеност, пишува Page Six.
Таа, исто така, го опишала својот престој на рехабилитација, велејќи дека била „вратена во реалноста” кога ги видела застрашувачките фотографии од себе на аеродром. Иако признала дека поради употребата на дрога се чувствувала „непобедлива“, манекенката додала дека нејзиното однесување ја станало „диво“.
„Тоа е страшна работа за луѓето околу вас“, рече тогаш таа и нагласи дека нејзините најблиски биле многу загрижени.
Откако ги видела своите фотографии од аеродромот, ѕвездата сфатила дека или ќе „заврши мртва“ или ќе направи нешто „многу глупаво“ доколку не се лекува.
Како дел од нејзините „нови почетоци“, таа откри и како се збогува со тетоважите.Таа рече дека кога почнала да се занимава со манекенство како млада, не можела да се тетовира бидејќи тоа било дел од нејзиниот договор за моделирање и некако „го поседувале нејзиното тело“, па на прстот истетовирала лавовска глава во знак на бунт и продолжила со тетоважи.