Иако веќе извесно време се шпекулира дека Џорџ Клуни на пазарот ја пуштил својата сакана вила Олеандра на италијанското езеро Комо, а за тоа бара околу 100 милиони долари, се чини дека нема вистина во целата приказна… барем засега.
Гласините дополнително се подгреаа викендов кога агентот за недвижности Јасемин Бајсал, сопственик на Engel & Volkers Lago di Como, изјави за италијанскиот Oggi дека гласините за продажба на Вила Олеандра се точни, додавајќи дека таа веќе има потенцијален купувач кој е доста заинтересиран. .
Но после се, преку своите портпароли се огласи и самиот Џорџ Клуни, поради што се уриваат надежите на сите потенцијални купувачи. Имено, таткото на шестгодишните близнаци, кој често и среќно престојува во вилата на езерото Комо со сопругата Амал и децата, во официјалната реакција изјави: „Првпат слушнав за продажбата кога Page Six ја објави приказната, која потоа ја презедоа сите. Но, тоа не е вистина“.
Џорџ Клуни ја купил луксузната вила, која има 25 спални соби, базен, голема гаража, тениско игралиште, теретана…, за 12 милиони долари, а за него има големо значење бидејќи токму таму се запознал со неговата идна сопруга Амал, и тоа на забавата што ја приреди во Олеандра во 2013 година.