И покрај тоа што овогодинешните награди Златен глобус му оставија горчлив вкус во устата, бидејќи и овој пат не ја однесе дома посакуваната статуетка, Бредли Купер не тагуваше долго.
Веднаш по доделувањето на наградата, сè уште облечен во облеката од црвениот тепих, Купер пристигна пред популарниот ресторан Џорџо Балди во Лос Анџелес со својата мајка Глорија Кампано. Возеле во затемнет теренец, а потоа актерот прво влегол во ресторанот, додека неговата мајка имала помош од непознат маж.
Но, она што е најинтересно е дека девојката на Купер, супермоделот Џиџи Хадид, пристигнала во ресторанот со разлика од само неколку минути, исто така облечена во црно.
Судејќи по тоа што на масата биле мајката на актерот и неговата девојка, може да се заклучи дека неговата врска со Џиџи е многу сериозна.
Не е непознато дека мајката на Купер е исклучително важна и дека ќе слуша се што ќе каже, а се чини дека на синот му дала благослов за врска со манекенката затоа што и се допаѓала.