Метју Пери не починал од предозирање со фентанил или метамфетамин, пренесува TMZ!
Станува збор за две тешки дроги – фентанил се нарекува дрога „зомби“ која наводно е полоша од хероинот, додека метамфетаминот е синтетичка дрога, позната и како „кристал мет“.
Првите обдукциски тестови покажаа дека славниот Чендлер од „Пријатели“ немал ниту една од овие дроги во својот систем.
Сепак, TMZ! вели дека е важно да се забележи дека сè уште се спроведуваат подетални тестови како дел од токсикологијата за да се анализира дали има други нелегални супстанци во неговата крв и дали нивото на лековите на рецепт биле во штетни дози.
За тие резултати веројатно ќе бидат потребни 4 до 6 месеци, а кога ќе се соберат сите тие податоци, вештакот ќе ги утврди причината и начинот на смртта.