Британскиот актер Идрис Елба призна дека редовно оди на психотерапија.
Причината поради која решил да оди на терапија насмеа многумина.
Како што истакна, тој е голем работохолик, а сака помалку да работи.
Ѕвездата од серијата „Лутер“ објасни дека повеќе го релаксира да работи 10 дена без престан на исцрпувачки филмски сет отколку да седи на каучот пред телевизор и да се одмора.
„Одам на терапија, многу размислувам за промени. Не е затоа што не се сакам себеси или ништо, туку само затоа што имам нездрави навики. А јас работам во индустрија каде овие нездрави навики се наградуваат“, искрен беше Елба, а потоа додаде:
„Ништо екстремно не е добро. Сè треба да биде избалансирано. Работата е во тоа што работата ме опушта. Моето студио е мојот дом, сакам да бидам таму. Го отворам тој лаптоп, мислам „не знам што ќе правам денес“ и тогаш само доаѓа“.