Семејството на Ријана и АСАП Роки е поголемо за уште еден член. Според TMZ, нивното второ бебе пристигнало на 3-ти август во Лос Анџелес. Името на детето се уште не е познато, но се знае дека почнува на буквата „Р“ и дека се работи за момче.
Ријана последен пат беше видена во јавноста во јуни, а таа и АСАП Роки уживаа во патувањето и покрај нејзината поодмината бременост.
Да потсетиме дека Ријана ја објави својата втора бременост во февруари, за време на настапот на полувремето на Супер Боул. Тогаш РиРи го покажа трудничкиот стомак на општо изненадување на милиони гледачи ширум светот.
Ријана и Роки го дочекаа своето прво заедничко дете на 13 мај 2022 година и го нарекоа малото момче РЗА Ателстон Мајерс по познатиот водач на Ву-Танг клан. Сега малиот стана горд постар брат.