Џејда Пинкет Смит (51), сопруга на холивудскиот актер Вил Смит, со години ја бричеше главата поради алопеција, состојба поради која и опаѓа косата. Сега на социјалните мрежи покажа дека и пораснала косата.
– Оваа коса овде се однесува како да се обидува да се врати. Сè уште имам неколку проблематични области, но – ќе видиме – напиша таа на Инстаграм.
Таа сподели фотографија од тоа како изгледала порано и како изгледа сега кога и пораснала косата.
Инаку, Џејда првпат зборуваше за опаѓање на косата пред пет години во една епизода од нејзиното ток шоу „Red Table Talk“.
– Многумина прашуваа зошто носам турбани. Па, не зборував за тоа. Не е лесно да се зборува. Еден ден бев под туш и имав грст коса во рацете и само си помислив: „О Боже, дали наскоро ќе бидам ќелава?“. Буквално се тресев од страв“ – изјави тогаш таа.
Алопеција се развива кога имунолошкиот систем ги напаѓа фоликулите на косата, што резултира со губење на косата.
Може да дојде до ненадејно губење на косата на скалпот, а во некои случаи и на веѓите, трепките и лицето, како и на други делови од телото. Исто така, може да се развива бавно и да се повтори по неколку години.