Стив Мартин (77) најави дека може да се повлече од актерството по снимањето на филмот „Only Murders in the Building“.
Тој за „Холивуд репортер“ изјави: „Кога ќе заврши оваа серија, не барам други улоги. Не сакам ни камери. Изгледа дека е тоа“.
Меѓутоа, неговата сопруга има поинаква приказна.
„Жена ми постојано ми кажува да зборувам за пензионирање, а потоа ќе смислам нешто. Навистина не би се пензионирал, но сакам да работам помалку“, додаде тој.
Во серијата „Only Murders in the Building“, легендарната ѕвезда го игра Чарлс-Хејден Севиџ, актер кој започнува подкаст за вистинско злосторство што се случило во неговата зграда. Кога го добил сценариото, тој се согласил да учествува под три услови: ако глуми и Мартин Шорт, снимањето да се одвива во Њујорк и ако може да биде дома до 18 часот секоја вечер.
„Првите две барања беа прифатени, но третото не“, додаде тој.
Мартин и Шорт првпат работеа заедно на филмот од 1986 година „The Three Amigos“ со Чеви Чејс. Тогаш сфатија дека се сродни души.
Првите две епизоди од третата сезона на „Only Murders in the Building“ моментално се прикажуваат на Hulu и Disney+.