📸Кристина Агилера откри како ослабела скоро 20 килограми

Кристина Агилера неодамна ги шокираше своите обожаватели појавувајќи се во совршена форма откако стана јасно дека ослабела речиси 20 килограми од својата тежина.

43-годишната пејачка ја покажа својата извајана фигура за време на нејзиниот прв концерт во Лас Вегас, кој се одржа на 30 декември минатата година. Интересно е што таа го покажа својот нов изглед откако пред некое време изјави дека „мрази да биде супер слаба“ и дека ги сака своите нови облини. Многумина побрзаа да се посомневаат дека Кристина ги должи своите извајани форми на новата опсесија меѓу популарните дами – лекот „Оземпик“. Се препишува на дијабетичари, а негов несакан ефект е токму симнувањето на вишокот килограми. Сепак, Агилера е категорична дека нејзината тајна е здрава, урамнотежена исхрана и строг режим и сет на вежби.

Ако пред години се држеше да јаде главно овошје и зеленчук, денес претпочита да не се ограничува, туку се потпира на чисти производи и храна и ги избегнува слатките искушенија.

View this post on Instagram

A post shared by Xtina Fan (@xtina_fan_page)

Покрај тоа, пејачката се труди да биде што е можно поактивна, инвестирајќи во разни тренинзи со професионален инструктор за да ја одржува формата. Затоа наизменично менува јога, бокс, за сила и кардио тренинзи, кои ги прави помеѓу два и пет дена во неделата, во зависност од нејзините професионални обврски.

Во 2008 година, нејзиниот тренер откри за списанието „Гламур“ дека Агилера вежбала „до осми месец бремена, а потоа почнала повторно неколку месеци по раѓањето на нејзиниот син Макс“.