Стандард
ТЕХНОЛОГИЈА

Boston Dynamics претстави робот што може да преместува 800 кутии на час (ВИДЕО)

Американската технолошка компанија Boston Dynamics го претстави својот најнов робот Stretch. Тој е дизајниран специјално за товарење и истоварување на пратки од магацини, пренесува Ројтерс.

Ова е прва машина на компанијата создадена со специфична карактеристика заснована на барања од потенцијални клиенти ширум светот, вели потпретседателот на Boston Dynamics, Мајкл Пери.

Според него, главниот проблем со кој се соочуваат логистичките компании и операторите на магацини е поврзан со истовар на кутии и картони – задача што бара сериозен физички напор и не е најпријатна.

Главните функции на Stretch се насочени кон овој вид работа. Има компактна подлога, што му овозможува да маневрира во тесни простори, така што целиот магацин не мора да биде повторно опремен и автоматизиран.

Роботот има „рака“ опремена со разни сензори преку кои може да фати и придвижи разни предмети.

Машината најефикасно се справува со кутии со тежина до 23 килограми. Неговата максимална брзина на работа е околу 800 движења на час.

Компанијата со седиште во Масачусетс е позната по своето куче-робот по име Spot, како и хуманоидот Atlas.

Јужнокорејскиот индустриски гигант Hyundai Motor Group неодамна се здоби со контролен удел во американската компанија, проценувајќи ја на 1,1 милијарда долари.

Досега Boston Dynamics не ја објави цената по која ќе се продава Stretch, но тврди дека роботот може да се инсталира во скоро секој магацин без да се инвестира многу во инфраструктурата.

Поврзани вести

Facebook Messenger овозможува да разговарате со пријателите во виртуелна реалност

Влатко Зорба

Apple ги претстави AirPods Pro – нов дизајн и активно потиснување на бучавата (ВИДЕО)

msp-admin

Официјален претставник на Microsoft ја објави првата фотографија креирана со Surface Duo

msp-admin