Grand Theft Auto V е една од најпродаваните игри на сите времиња. Насловот е објавен во 2013 година, и оттогаш се продава многу добро. За време на неодамнешниот финансиски извештај, Take-Two објави дека играта на студиото Rockstar се продала во над 140 милиони примероци.
Со овој резултат на продажба, GTA V ја зацврсти својата предност како втора најпродавана игра на сите времиња, веднаш зад Minecraft, која сè уште држи рекордна продажба од над 200 милиони примероци.
Особено е импресивно што само во текот на 2020 година, GTA V беше продадена во 20 милиони примероци. Тоа ја прави минатата година втора најпродавана игра, веднаш по 2013 година кога играта првично беше објавена.
Бидејќи Grand Theft Auto V продолжува да доминира во продажбата, останува да видиме колку долго Rockstar ќе продолжи да ја позиционира GTA V како свој најнов наслов и уште колку време ќе треба да чекаме да биде објавена GTA VI .