СТАНДАРД life
ТЕХНОЛОГИЈА

Корона апликацијата нема да ги чува Џи-Пи-Ес податоците

Компаниите Гугл и Епл соопштија дека ќе ја забранат употребата на функцијата за следење на локацијата од апликации што се во развој и работат на забавување на ширењето на новиот коронавирус.

Епл и Гугл, чии оперативни системи имаат 99 отсто од паметните телефони, објавија минатиот месец дека заедно ќе работат на создавање систем за известување на луѓето кои биле во близина на личност позитивна на Ковид-19.

Двете компании објавија дека примарната цел им е приватноста и спречување на владите да користат систем за собирање податоци на граѓаните.

Системот користи блутут сигнали од телефонот за да открие средба со заразено лице, но не користи или чува Џи-Пи-Ес податоци.

Програмерите на овие апликации минатиот месец истакнаа дека е од витално значење да се дозволи употребата на податоци за Џи-Пи-Ес локацијата во комбинација со нов систем за пребарување контакти, со цел да следат како епидемијата се развива и да го идентификуваат жариштето.

Поврзани вести

Тинејџер одби да продаде платформа за следење информации за коронавирусот за 8 милиони долари

msp-admin

Пристигна Zoox – автономното возило на Amazon (ВИДЕО)

msp-admin

Маск нуди награда од 100 милиони долари за најдобра технологија за фаќање на јаглерод

Влатко Зорба