Xiaomi веќе го објави својот безжичен полнач, кој ги полни уредите од далечина, и се нарекува Mi Air Charge. Сега Motorola ја објавува својата визија за оваа технологија.
Технологијата на Motorola може да ги полни уредите од растојание од еден метар, под услов да нема ништо што стои помеѓу полначот и уредот.
Според она што може да се види на официјалното видео, двата телефони на Motorola Edge (кои веројатно се модифицирани за овој тест) се поставени во вертикална положба 80 см и 100 см оддалечени од полначот. Батериите на телефонот веднаш почнуваат да се полнат, но откако лицето ќе стави рака на полначот, процесот застанува.
Полначот се вика Motorola One Hyper и иако технологијата се базира на Qi стандардот, компанијата истакнува дека тој всушност е подобар. Можно е да се полнат до седум телефони истовремено, но Motorola не објави стапка на полнење.