СТАНДАРД life
ТЕХНОЛОГИЈА

Протекоа детали за евтиниот модел на iPhone

Среде минатогодишната пандемија, Apple воведе нова генерација на уреди со iPhone SE кои внесоа нова и модерна технологија и хардвер на стариот дизајн и се покажаа доста популарни меѓу корисниците.

Главната причина за тоа, како и со претходниот модел SE, е цената, бидејќи тоа е најевтиниот модел на iPhone.

Паралелно со новата генерација на iPhone што ќе биде претставена оваа година, дизајнерите и инженерите на Apple развиваат и нов модел од SE серијата, кој, според најновите информации, можеме да го очекуваме дури во 2022 година.

Она што скоро сигурно ќе ги разочара љубителите на Apple уредите, е тоа што новиот iPhone SE веројатно нема многу да се разликува во дизајнот од ланскиот.

Сè уште треба да има LCD наместо OLED што се користи во новите телефони, со дијагонала од 4,7 инчи, пренесува Zimo.

Исто така, новиот SE нема да има „notch“, туку камерата ќе биде поставена во горниот дел над екранот, како кај постарите модели. Новина што треба да ја очекуваме, а која дефинитивно треба да се спомене, е поддршката за 5G мрежата.

Значителни промени во моделот iPhone SE ќе можат да се видат едвај во 2023 година, кога се очекува екран од 6,1 инчи, како и предна камера сместена во екранот.

Поврзани вести

Преземени се дури 4,2 милијарда пати: Апликации за Андроид кои можат да ги украдат сите податоци од вашиот мобилен телефон

msp-admin

Samsung Galaxy S20 + ќе има 120Hz дисплеј, но не и приклучок за слушалки

msp-admin

Маск ќе создава живот на Марс со лансирање на 10 000 ракети (фото)

msp-admin