СТАНДАРД life
ТЕХНОЛОГИЈА

Tesla Model Y „Произведена во Кина“ (ВИДЕО)

Отсега натаму, нов електричен кросовер се произведува и во фабриката на Tesla во Шангај.

Tesla започна да го произведува моделот Y во својата Гигафабрика лоцирана во близина на Шангај, Кина.

Иако самиот производител на автомобили сè уште официјално не ја потврди оваа вест, снимките од фабриката направени од беспилотни летала покажуваат десетици новопроизведени Model Y.

Ова видео доаѓа откако дојде најавата од Tesla дека компанијата планира да започне со производство на Model Y во Шангај на почетокот на 2021 година, но се чини дека производството започна дури и пред тој рок.

Сајтот „Електрек“ тврди дека првите примероци на возила од фабриката во Шангај ќе им бидат доставени на вработените во Tesla, веројатно со намера да се отстранат можните проблеми кога станува збор за проблеми со контролата на квалитетот, пред да започне испораката до другите клиенти во Кина.

Се верува дека моделот Y произведен во Шангај е во основа ист со оној што моментално се произведува во главната фабрика на Tesla во Фримонт, Калифорнија.

За споредба, моделот Y за европскиот пазар, кој ќе се произведува во Берлин, ќе ги користи новите ќелии на батерии „4680“, за кои се вели дека имаат поголем енергетски капацитет и ќе го зголемат радиусот на движење на возилото за 16 проценти.

Моделот Y се очекува да биде најпродаваниот автомобил на Tesla во Кина. Аналитичарите сугерираат дека Tesla може да испорача дури 30.000 од овие возила месечно кога ќе започне продажбата на големи размери.

Поврзани вести

Како некој може да ги види сите слики и видеа на вашиот заклучен телефон благодарение на „баг“ на Facebook?

Stefanija Kuzmanovska

САД со вештачка интилигенција го автоматизираат управувањето со дроновите

Влатко Зорба

МАСК САКА ДА ЈА ИСКОРЕНИ ДЕПРЕСИЈАТА: Чипови ќе пуштаат музика директно во мозокот

msp-admin