Повеќето од нас немаат доволно енергија за сите секојдневни обврски, а кога се чувствуваме особено слаби, решението го наоѓаме во кафето или храната што содржи многу јаглехидрати. Ваквата храна носи краткотраен излив на енергија, проследено со ненадеен пад.
Поради самата природа на калории, кои се енергетски единици, сите храни обезбедуваат енергија, но некои содржат повеќе хранливи материи кои ги поттикнуваат метаболните процеси што ја произведуваат.
За да се чувствувате здрави и полни со енергија, потребни ви се одредени хранливи материи.
Некои од хранливите материи за производство на енергија вклучуваат витамини Б, карнитин, коензим Q10, креатин, железо, магнезиум, калиум и протеини.
Протеини од животинско потекло
Месото, рибата, јајцата и млечните производи се добри извори на протеини. Сепак, различната храна содржи различни мешавини од други хранливи материи што произведуваат енергија.
Ако преферирате храна која не е од животинско потекло, оревите и семките ќе послужат како добар извор на протеини.
Овошје
Овошјето може да биде одличен извор на витамини и минерали, вклучувајќи ги и оние што му помагаат на вашето тело да произведе енергија.
Свежото и целото овошје се најдобри затоа што можат да изгубат важни хранливи материи кога се сушат. Сувото овошје и соковите исто така имаат многу повеќе шеќер отколку свежото овошје.
Зеленчук
Зеленчукот содржи повеќе хранливи материи кои произведуваат енергија, а некои дури и ќе ви дадат протеини, иако не толку колку месото, јајцата, млечните производи и оревите.
Житарици
Житариците се извор на јаглехидрати за брза енергија, како и некои хранливи материи за одржлива енергија. Некои добри избори се кафеавиот ориз, но и овесната каша.
Замени за млеко
Популарните замени за млеко содржат некои хранливи материи кои произведуваат енергија, природно или преку збогатување.
Сепак, овие пијалаци може да бидат помалку слични на примарните пијалаци. Причината е губење на супстанции за време на обработката или поради додавање вода или други состојки. Примери се бадемово млеко, млеко од ориз или млеко од соја.
Точните количини на хранливи материи во оваа храна варираат во зависност од брендот и рецептот. Најдобар начин да знаете точно што добивате е да ја прочитате содржината.
Забелешка за кофеинот
Кофеинот ви дава брза енергија, но е стимуланс, што значи дека ги забрзува телесните процеси и не ги храни вашите клетки. Ова не значи дека кофеинот е лош, бидејќи и кафето и чајот имаат свои здравствени придобивки.