СТАНДАРД life
Здравје

Ова е најлошата храна за нашите мускули

Како што објаснуваат диететичарите, исхраната игра клучна улога во поддршката на мускулниот раст бидејќи хранливите материи што ги консумираме ги обезбедуваат градежните блокови и енергијата потребни за развој и поправка на мускулното ткиво.

Затоа, одредени намирници можат да помогнат во стимулирање на растот на мускулите, додека други можат да го спречат, пренесува Eat This.

На пример, висококвалитетните протеини, јаглени хидрати и масти можат да го поддржат растот и одржувањето на мускулите. Внесувањето доволно протеини предизвикува синтеза на мускулни протеини, процес со кој нашето тело се обновува и гради нови мускулни влакна.

Од друга страна, јаглехидратите, особено после тренинг, го стимулираат ослободувањето на инсулин, хормон кој помага во градењето на мускулите и транспортот на јаглехидратите до мускулите за да се надополнат резервите на гликоген.

„Јаглехидратите во комбинација со протеини го намалуваат кортизолот, хормон кој предизвикува распаѓање на мускулите, што може да помогне во потрагата за одржување на моменталната мускулна маса“, вели регистрираниот диететичар Џордан Хил. А здравите (незаситени) масти се неопходни поради нивната улога во производството на хормони, вклучувајќи го и тестостеронот, кој е важен токму за растот на мускулите.

Од друга страна, одредени хранливи материи, како што се заситените масти, транс мастите и храната со рафинирани шеќери, можат да го инхибираат растот на мускулите предизвикувајќи воспаление што може да влијае на обновувањето и растот на мускулите, како и негативно да влијае на чувствителноста на инсулин, што е важно за внесување на хранливи материи, објаснува Хил.

Еве за која храна станува збор:

* преработено месо, парчиња месо
* замрзната пица
* засладени пијалоци
* слатки, бисквити, колачи
* пржена храна
* брза храна
* газирани пијалоци
* алкохолни пијалоци.

Поврзани вести

Германски експерти: Подготвувањето чај со ладна вода не е секогаш безбедно за здравјето

Urednik

Пет намирници кои не треба да ги јадете на празен стомак

Radmila Tasevska

Мед наспроти шеќер: Еве зошто медот е подобар и зошто треба да го консумирате

Urednik