Пазарот за вештачка интелигенција во Кина се очекува да достигне 11,9 милијарди американски долари до 2023 година, според неодамна објавена „бела книга“.
Водени од активни политики, овој пазар најверојатно ќе зафати 12% од глобалниот пазар во 2019 година. Со 64% годишен раст, тој станува втор по големина пазар на вештачка интелигенција во светот, според документот подготвен од IDC и QbitAI.
Во книгата се наведува и дека кинеските компании ги зголемиле своите инвестиции во технологија за вештачка интелигенција оваа година, а нивните опции за примена се зголемуваат. Потенцијални области на кои ќе се фокусира пазарот се секторските услуги, здравството и телекомуникациите.
Сепак, се потенцира дека недостатокот на вештачка интелигенција и специјалисти за високо квалитетни податоци се најголеми предизвици за развојот на технологијата.
Се очекува пазарот да достигне 4,255 милијарди американски долари во 2020 година, со годишен раст од 51,5%, пишува во „белата книга“.