Истакнати менаџери и претприемачи честопати ги споделуваат со заедницата своите вредни совети за успех во животот. Една карактеристична особина на човекот ја потенцираше Сатја Надела, извршен директор на Microsoft, на „Hello Monday“ на LinkedIn.
Според него, љубопитноста е единствениот квалитет на една личност што може да му донесе успех во неговиот живот.
„Мора да бидете многу љубопитни да учите“, вели тој.
„Учејќи нови работи, мислам дека можам да го применам тоа знаење во мојата работа“, вели Сатја Надела. Дури и сега, како извршен директор на Microsoft, тој се обидува да најде непознати работи за да ги разбере.
Со цел да го надполни своето знаење, Надела го поминува целото свое слободно време читајќи книги за најразновидни полиња на човековата активност.
Интересна карактеристика е што тој секогаш има пред себе повеќе книги, отколку што може да прочита.