СТАНДАРД life
ТЕХНОЛОГИЈА

iPhone 12 нема да биде многу поскап од сегашните модели

Apple се очекува да лансира четири паметни телефони со 5G конекција следната година, а додавањето на оваа иновација ќе ги направи уредите поскапи. Според аналитичарот Минг-Чи Куо, зголемувањето на цените нема да биде значајно во споредба со сегашните предлози на компанијата.

Ова може да се постигне со намалување на трошоците по синџирот на снабдување на компонентите, вклучително и со суспендирање на еднократни плаќања за развој на ново метално куќиште и рамки за идните модели. Можно е компанијата самостојно да ги извршува процесите на развој, дизајнирање и тестирање на некои производи и компоненти за да не се потпира на подизведувачи.

Досегашната практика им овозможува на партнерите на Apple да заработуваат приходи дури и за време на сезоните кога продажбата на паметни телефони е мала. Ова може да се промени ако се донесе практиката за промовирање на уреди двапати годишно. Според некои гласини досега, можно е компанијата во пролет да објави поевтини модели и да ги задржи премиум производите, како и досега, за наесен.

Аналитичарот очекува дека идните 5G паметни телефони ќе вклучат нов дизајн на метална рамка и ќе личат на iPhone 4, што значи дека страните ќе бидат порамни од сегашните. Куо верува дека куќиштето и рамката на уредите ќе бидат поскапи за производство, посочувајќи дека целта ќе биде да се постигне поквалитетен дизајн.

Поврзани вести

Facebook Pay ви овозможува бесплатно испраќање пари во Instagram, WhatsApp и Messenger

msp-admin

Sony ја објави првата реклама за PlayStation 5 (ВИДЕО)

msp-admin

OnePlus ќе ги надогради до Oxygen OS 10 сите модели, кои излегоа по OnePlus 5

msp-admin