ЕКОНОМИЈА МАКЕДОНИЈА

Собранието ќе расправа по дополнетиот Предлог-буџет за 2020 година

Денеска почнува расправата по Дополнетиот предлог-буџет за 2020 година кој ги содржи 12-те прифатени амандмани во текот на расправата во Комисијата за финансирање и буџет, а во фокусот се инвестиции во човечкиот капитал.

Приходите во Предлог-буџетот за 2020 година се проектирани на 222 милијарди и 300 милиони денари (3 милијарди 615 милиони евра), што претставува раст од 5,6 отсто споредено со оваа година. Кај расходната страна на буџетот планиран е раст од пет отсто во однос на минатата година со што вкупните расходи изнесуваат 239 милијарди и 700 милиони денари, односно три милијарди 898 милиони евра.

Буџетскиот дефицит за 2020 година е предвиден на ниво од 2,3 отсто од БДП, што е пониско од нивото во 2019 година кога изнесуваше 2,5 проценти, согласно со Фискалната стратегија 2020-2022, како и препораките на меѓународните организации.

Дефицитот е намален и во апсолутно ниво за 160 милиони денари, и изнесува 17 милијарди 385 милиони денари. Во фокусот на буџетот за наредната година е човечкиот капитал, односно подобар здравствен, образовен и социјален систем и силна поддршка за раст на реалниот сектор.

Министерката за финансии Нина Ангеловска оценува дека инвестициите во човечкиот капитал се клучни бидејќи тие ја движат економијата и ги движат промените. Капиталните инвестиции во буџетот се проектирани на ниво од 23 милијарди денари, а 56 отсто од вкупните буџетски расходи ќе одат во области врз кои се потпира човечкиот капитал.

Проекциите во буџетот се правени врз основа на предвиден раст за следната година од 3,8 отсто од БДП, кој се базира на растот на приватната потрошувачка, извозот и јавните и приватните инвестиции.

Расправта по буџетот согласно деловникот треба да трае најмногу пет работни дена.

Поврзани вести

Владата на седница ќе го утврдува Предлог-буџетот за 2020 година

Клиника за пластична хирургија: Во услови на Ковид-19 извршени над 500 хируршки интервенции

Никола Поповски

Во основниот кривичен суд во Скопје продолжува судењето за „Монструм“

Пожар во крилото за странци во затворот „К’шање“

Никола Поповски

ОЈО: 29 скопјани не го почитувале полицискиот час

Реформата на јавната администрација најзабележлива во дигитализацијата, најбавна во функционалните анализи