Google на своите корисници им нуди три оперативни системи – Android, Wear OS и Chrome OS. Веќе знаеме дека компанијата работи и на друга платформа наречена Fuchsia. Многумина очекуваат овој софтвер да претставува иднината на компанијата што планира да ги спои Android и Chrome OS.
Самиот проект се очекува да има долгорочно значење за Google и најверојатно нема да стане реалност во скоро време. Сега разбираме нови детали за плановите на технолошкиот гигант.
Google ја регистрираше трговската марка „Pigweed“ во Канцеларијата за патенти и трговски марки на САД (USPTO). Документацијата поврзана со патентирање на ова име открива дека компанијата сака да ја користи „Pigweed“ за „компјутерски оперативен софтвер“.
За жал нема повеќе детали за можностите на новата платформа.