Microsoft објави дека ќе ги затвори сите свои продавници и ќе има само онлајн продажба, како дел од својата стратегија за промена во делот на малопродажбата.
Како што се наведува, компанијата нема да отпушти вработени во текот на оваа програма. Наместо тоа, вработените во продавниците ќе преминат на работа во корпоративните згради на компанијата.
Microsoft исто така наведува дека ќе ги зголеми инвестициите во Microsoft.com како и во продажбата на Xbox и Windows.
Технолошкиот гигант додава дека неговите продавници се затворени од март поради пандемијата на коронавирусот, а дека неговите вработени успеале да обезбедат онлајн поддршка за клиентите.