Земјите-членки на ЕУ, Европскиот парламент и Европската комисија денеска ги завршија преговорите со договор што овозможува усвојување на повеќегодишниот буџет на ЕУ за периодот од 2021 до 2027 година, кој изнесува 1,074 милијарди евра.
Институциите на ЕУ мораа да ги усогласат своите позиции кога станува збор за количината и распределбата на буџетските програми, договорени на крајот на јули на маратонскиот самит на лидерите на ЕУ 27.
Буџетот од 1,074 милијарди евра ќе стапи на сила откако ќе биде официјално одобрен од Европскиот парламент и Советот на ЕУ.