Деловните активности на „Хуавеи“ треба да продолжат да се намалуваат и да се концентрираат на области со стратешки фокус, наместо да се обидуваат да направат сè, им пиша основачот и извршен директор на „Хуавеи“, Рен Женгфеи, на вработените во компанијата во неодамнешната интерна е-пошта, сигнализирајќи дека телекомуникацискиот гигантот може дополнително да ги прилагоди своите стратегии наспроти предизвиците и конкуренцијата.
„Бидејќи сме компанија со ограничена моќ, мора да работиме добро и да ги усогласиме проектите што ќе ги правиме. Ние мора да ги искористиме можностите во областите каде што можеме да ги фокусираме своите енергии и да завршиме добра работа со искрен пристап. Само тогаш можеме вистински да најдеме подобро решение од другите “, објасни Рен.
Зборувајќи за „клауд“ бизнисите на „Хуавеи“, Рен истакна дека додека учи од „Амазон“ и „Мајкрософт“, „Хуавеи“ мора да го направи своето 30 годишно мрежно искуство единствена предност на пазарот на „клауд“ услуги и да гради диференцирани карактеристики.
„Но, „Хуавеи“ не може да тргне по истиот пат како „Алибаба“ и „Амазон“, бидејќи немаме „ бесконечни пари од американската берза како нив“, рече извршниот директор.
Аналитичарите велат дека забелешките од Рен доаѓаат во време кога „клауд“ бизнисите на компанијата се соочуваат со засилена конкуренција на домашниот пазар, а стратешките пораки од Рен се повеќе одговор на тешкотиите со кои сега се соочува фирмата.
„Деловната активност на „Хуавеи“ е сè уште ограничена и се соочува со бариери да се развива во поголеми размери. Точките што ги спомена Рен се и обиди кои фирмата ќе ги направи за да се обиде да го пробие тесното грло“, изјави за „Глобал Тајмс“ Jианг Јунму, главен пишувач за телекомуникациската индустрија во кинескиот веб портал c114.com.cn.
„Хуавеи клауд“ лансираше повеќе од 200 услуги, го користат повеќе од 1,5 милиони програмери и досега привлекоа речиси 20 000 партнери.
„Она што сега разговараме е како да се искористи можноста за дигитализација на владите и претпријатијата, како да се постигне подобар развој и во двете области, и како да се постигне водечка позиција во светот“, рече Рен.
Рен, исто така нагласи дека фирмата треба да „искористи сè“ за да изгради голем екосистем за апликации како Амазон, бидејќи без апликации, „Хуавеи клауд“ може да исчезне.
„Алибаба“, „Тенсент“ и веб услугите на „Амазон“ воведоа сè повеќе хардверско-софтверски фузиони уреди. Предноста на „Хуавеи“ лежи во хардверот. Ние мора да ги зајакнеме софтверот и екосистемот на апликацијата и не треба да се откажуваме од предностите што ги носи хардверот на „Хуавеи клауд“, – рече Рен.
„Хуавеи“ беше добар во намалувањето на резултатите пред ова. Конзистентната идеја на Рен не е да инвестира енергија и ресурси во нестратешки области”, изјави за „Глобал тајмс“ Ма Јихуа, искусен индустриски аналитичар и близок следбеник на „Хуавеи“.
Во однос на информатичките технологии „Хуавеи“ има свои предности, но неговиот развој релативно доцни, а основната саморазвиена технологија исто така има свои недостатоци. Наместо конкуренција со „Алибаба“ и „Амазон“ во иста арена, би било подобро да тргне по друга патека каде што може да игра според своите предности.